Iom post la tagmezo de dimanĉo, la 2-a de aŭgusto, kolektiĝis ĉe Ateliero Verda (Galerio kaj Studio) en Drumheller sep esperantistoj de Kalgario (Allan, Meredith, Milan, Jacqueline, Paul, Maria, Yoshiki) kaj unu de Drumheller (Jeff Day).
Post spektado de montraĵoj en Ateliero Verda, Jacqueline fermis la galerion, kaj ni ĉiuj veturis iom norden al piknikejo apud orienta bordo de la Rivero Red Deer (Ruĝ-Cerva), kie ni tagmanĝis kune.
Post la piknika tagmanĝo ni pluveturis norden laŭ la Rivero Red Deer sub la kapabla gvidado de Jeff Day, kaj ni haltis proksime de la fama
Reĝa Muzeo Tyrell ĉe eteta kirko (Little Church), plene funkcia preĝejo kie laŭdire povas kunpreĝi dekmil homoj... po sesope.
Poste ni pluveturis norden kaj transiris la riveron per la pramŝipeto Bleriot (Bleriot Ferry: unu el la lastaj ankoraŭ funkiciantaj river-pramoj de Kanado), kaj revenis al Drumheller laŭ la okcidenta bordo de la rivero, haltante survoje ĉe elrigarda punkto por vidi la belan valon de la Red Deer.
Iuj partoprenintoj de la ekskurso revenis hejmen baldaŭ post la reveno al Ateliero Verda, sed kelkaj restis pli longe, kio ebligis al ni kunveni kun malfrua alveninto el Kalgario (Jean François) kaj kune vespermanĝi en restoracio proksima al la Ateliero.
Dum la pasintaj du jaroj la Kalgaria Esperanto-Rondo renkontiĝis lunde en la kafejo Second Cup en Kensington, sed daŭre ĝenis la iom laŭta fona muziko, kiu ofte malfaciligis konversaciojn. Pro tio ni decidis okazigi la lundajn kunvenojn en aprilo (2010) en nova loko, la kafejo en la librovendejo Chapters en Brick Mall, 9631 MacLeod Trail S.W. (Calgary). Fine de tiu prova periodo, ni decidos ĉu daŭrigi kunvenadon en tiu loko. Bonvolu partopreni unu el la kunvenoj en aprilo kaj esprimu vian opinion pri la taŭgeco de ĉi tiu loko kiel kunvenejo de KER.
For the past two years the Calgary Esperanto Club has been meeting on Mondays at the Kensington Second Cup, but we have found that the background music often interferes with conversation. For this reason, we have decided to try an alternative location: on April 8, 15, 22 and 29 we will be meeting (7-9 pm) in the café at the Chapters in the Brick Mall, 9631 MacLeod Trail S.W. (Calgary). At the end of this trial period a decision will be made whether to continue meeting in this location. Please attend one of the meeting in April and let us know what you think of the suitability of this location as a meeting place for our club.
.JPG)
